கொண்டாட்டம்.காம் 12

 

20 Nivetha Thomas

“மீரு மீரு இன்னிக்கு கிளாஸ் இல்லையா?” சுபா பாட்டியின் மெல்லிய குரலில் திடுக்கிட்டெழுந்தாள் மீரா. சூரிய வெளிச்சம் நன்றாக பரவி காலை ஏழு மணியாவது இருக்கும் என்று அடித்து சொன்னது.

எத்தனை மணி சூப்ஸ்? எழுப்பாம விட்டுட்டீங்களே? ஹையோ சமையல் பண்ணலையே என்று அலறியடித்துக்கொண்டு எழுந்த மீராவை பார்த்து சூப்ஸ் சிரித்தார்.

ஏழுமணிதான்! அதெல்லாம் நானே சமையல் பண்ணிட்டேன். தினமும் நீ தானே பண்ணறே? இன்னிக்கு ஒருநாள் நான் பண்ணினா என்ன?

சாரி சூப்ஸ்.உங்களுக்கு .ஒரு ஹெல்பும் பண்ணலை… அந்த முதிய பெண்மணியை வருத்தி விட்டோமே என்று அவளுக்கு கவலையாக இருந்தது. முடிந்தவரை வீட்டின் முழு வேலைகளையும் அவளே பார்த்துவிடுவது தான் அங்கே வழக்கம்.

இட்லி பண்றது பெரிய வேலையா என்ன? அதை விடு.. கிளாஸ் இருக்கா?

ஆமாம் சூப்ஸ்..போணும். வசீ எங்கே? ஜங்கிள் புக் சத்தத்தை காணோம்? கிண்டலாய் கேட்டவாறே எழுந்து செருப்பை மாட்டிக்கொண்டாள் மீரா.

ஹா ஹா அவன் சாப்பிட்டு கிளம்பிப்போயாச்சு. இந்த சனிக்கிழமையும் உங்களுக்கு பங்ஷனாமே..

ஆமாம் சூப்ஸ்! என் பிரண்டோட அண்ணாக்கு என்கேஜ்மென்ட். நான் குளிச்சிட்டு வந்துடறேன். நேரமாச்சு” என்று சொன்னபடி குளிப்பதற்கான உடைகளை எடுத்துக்கொண்டு பாத்ரூமை நோக்கி அவள் நடக்க சுபா தலையசைத்தபடியே ஹாலுக்குள் நுழைந்தார்.

ஷவரின் கீழ நின்றவளுக்கோ முதல் நாளைய ஞாபகங்கள்!!!!!

என்ன காரியம் செய்து விட்டாள்!

அவள் என்ன செய்தாள்? எல்லாமே அவன் செய்த வேலை அல்லவா?

நேற்று மாலை ரிசப்ஷனில் இனம்புரியாத படபடப்புடன் அவள் சுற்றியதும் கொஞ்சம் அதிகப்படி புன்னகையும் பார்வையுமாக அவன் அவளையே தொடர்ந்ததும் இருவருமாகவே எல்லைக்கோட்டை தாண்டி ஒரு அடி எடுத்து வைத்து விட்டதை அவளுக்கு உணர்த்தியிருந்தன.

நிறுத்து நிறுத்து என்றால் மனம் எங்கே சொன்ன பேச்சை கேட்கிறது? இனிமேல் இவன் பக்கமே திரும்புவதில்லை என்ற சபதத்துடன் வீடு வந்து படுக்கையில் விழுந்தால் பேஸ் புக்கில் அவன் நட்புக்கரம் நீட்டிக்கொண்டிருந்தான்!

இவனோடு பிரன்ட் ஆனால் மற்றவர்கள் என்ன நினைத்துக்கொள்வார்கள் என்று அவள் தயங்கியதெல்லாம் ஒரு சில கணங்கள் தான்! அக்செப்ட் செய்து விட்டாள்!

அந்த நேரத்தில் அவனும் ஆன்லைன் வந்திருக்க வேண்டும். ஹாய் ரிப்போர்ட் ரொம்ப நன்றாக இருந்தது. கொஞ்சம் அதிகப்படியாய் திட்டி விட்டேன் மன்னித்துக்கொள் என்று உடனடியாகவே மெசேஜ் வந்தது.

அதிலேயே உருகிப்போனவள் சாரி சார். இன்றைய விழா டென்ஷனில் தான் கார்டை அங்கே கொண்டு வந்து வைத்து டிசைன் செய்தேன் என்று இவளும் அது காதலனுக்கு வாங்கியது இல்லை என்று கிடைத்த முதல் சந்தர்ப்பத்திலேயே மறைமுகமாக தெளிவு படுத்தினாள்!

பிறகு

அன்றைய டெகரேஷன் நன்றாக இருந்தது.

எப்படி பிசினஸ் ஆரம்பித்தீர்கள்? எப்படி அதில் ஆர்வம் வந்தது?

வசீ என் ஜூனியர்!

அவனுக்கு அடிக்கடி மூக்குக்கு மேல் கோவம் வந்தாலும் நல்லவன் இப்படிஎல்லாம் அவன் எடுத்து விட

அப்பா அம்மா இறந்தது வசீயும் அவளும் சூப்ஸ் துணையோடு வாழ்வது வரை தன் வாழ்க்கை வரலாறையே அவள் அவனுக்கு சொல்லிவிட்டாள். இவள் குட்நைட் சொன்னாலும் அவன் ஏதாவது அவசரமாக கேட்டு மீண்டும் சிலபல ரவுண்டு சாட்டை நடாத்தி

நாளை உனக்கு கிளாஸ் இருக்குல்ல. என் கிளாஸ் இல்லைல? L என்று சோக ஸ்மைலியுடன் பெரிய மனது செய்து ஒருமணியளவில் முடித்து வைத்தான்.

சாட் பண்ணும்போது எடுத்த முடிவுகளோ அவன் அவளுடைய விரிவுரையாளன் போன்ற எந்த உண்மைகளும் அவள் மனதில் இருக்கவில்லை. அப்படியே தூங்கியும் போய் விட்டாள். இப்போதோ அவன் பேசிய வரிகளுக்கு எல்லாம் புதுப்புது அர்த்தம் கண்டுபிடித்து அவள் உள்ளம் மெலிதாய் நடுங்கியது.

கூடவே தான் அனுப்பிய செய்திகளையும் மனதில் ஓட்டிப்பார்த்து இதை அவன் எப்படி எடுத்துக்கொண்டிருப்பானோ என்றும் மனம் குழம்பினாள் மீரா.

அன்றைக்கு ஒரே ஒரு விரிவுரைதான். விசேட வகுப்பாக காலையில் போடப்படிருந்தது. அவசர அவசரமாக தயாராகி அரைகுறையாய் இட்லியை விழுங்கிவிட்டு பஸ்ஸில் போக நேரமின்றி மீட்டர் டாக்சி ஒன்றில் ஏறிக்கொண்டு பறந்தாள் மீரா.

மானேஜ்மென்ட் அக்கவுண்டிங் சும்மாவே போரடிக்கும். இதில் இன்று இவள் கவனிப்பதாவது? நிலா இன்று வரமுடியாது. நீ எனக்கும் அட்டெண்டன்ஸ் ஷீட்டில் சைன் போடு. என்று ஆணை பிறப்பித்திருந்தாள். இந்த மனுஷன் வேறு கடைசியில் தான் ஷீட்டையே தருவார், வேறு வழியே இல்லை. உட்கார்ந்திருந்து தான் ஆகவேண்டும்.

கடைசி வரிசையில் உட்கார்ந்து கொண்டவள் விரிவுரையை நிஜமாகவே கிரகிக்க முயன்றாள்,

ஆனால் கண்களும் மனதும் மொபைல் டேட்டாவை ஆன் செய்து பேஸ் புக் மெசெஞ்சரை பார் என்றது. முடியவே முடியாது. குறைந்த பட்சம் இரவு வரையாவது மொபைலை பார்க்க கூடாது. அவன் மெசேஜே போட்டிருந்தாலும் அவள் பார்க்கவில்லை என்றால் அக்கறையில்லாதவள் என்று எண்ணி விலகிவிட சந்தர்ப்பம் உண்டு! மீண்டும் ஒரு தீர்மானத்துக்கு மனம் வர மொபைலை ஹான்ட் பாக்கில் போட்டாள் அவள்.

ஒரு அரைமணி போயிருக்கும். தண்ணீர்த்தாகம் எடுப்பது போல் மீண்டும் மனதுக்குள் போராட்டம்!

எடுத்து டேட்டாவை ஆன் செய்ய மறுகணமே சாட் விண்டோவில் அவன் முகம் வந்து விழுந்தது!

“குட்மோர்னிங் மீரா” என்ற படி!

படபடப்புடன் மீண்டும் ஆப் செய்து மடியில் வைத்துக்கொண்டவளுக்கு அய்யயோ சீன் என்று அவனுக்கு போயிருக்குமே என்று அப்போதுதான் உறைத்தது. மறுபடி ஆன் செய்து குட்மார்னிங் அனுப்பி விட்டு மீண்டும் ஆப் செய்ய முன்

“ஹேய் lectures ல இருந்து விளையாடறியா?” என்று மின்னல் வேகத்தில் பதில் வந்தது!

சிரிப்பு ஸ்மைலியுடன் நிறுத்திக்கொண்டாள் அவள். அப்போதைக்குத்தான்!

 

பிறகு

அன்றைய நாள் விரிவுரை முடிந்த பின்னும் லைவ் அப்டேட்ஸ் போல மாறி மாறி மெசேஜ்கள் போய் கொண்டே இருந்தன.

மீராவின் பக்கம் தான் தயக்கம் இருந்தது.

அவனோ புதுப்புது டெக்னிக்குகளை கையாண்டு கொண்டிருந்தான்!

அவள் அலுவலகத்தில் இருந்த போது ஒரு புத்தகத்தின் சாப்ட் காப்பியை ஆன்லைனில் தேடி கொடுக்க சொன்னான். மறுக்கவே முடியாமல் அவளும் அதை செய்யவேண்டியிருந்தது!

வசீ கூட கேட்டுவிட்டான்! “என்ன மீரா போனையே பார்த்துட்டு இருக்கே” என்று!

எல்லாம் அவன் செய்யும் லீலை தானே. இது எங்கே கொண்டு போய் விடும் என்று அவனுக்கு புரியாதா? மனோத்யனை மனதில் திட்டித்தீர்த்தாலும் நீ மொபைல் டேட்டாவை ஆப் செய்து வைத்தாலே ப்ராப்ளம் சால்வ்ட்! நீ முதலில் அதை செய்யேன் என்று மறுமனம் கிண்டல் செய்தது.

வீராப்புடன் போனையே ஆப் செய்து வைத்தவள்

வீட்டுக்கு வந்து வழக்கம் போல சூப்சுடன் இணைந்து சமையல் செய்து வசீயோடு சண்டை போட்டபடி சாப்பிட்டு மறுபடி அறையை பூட்டிக்கொண்டு தூங்க வந்தால் ….

உன்னிடம் ஒரு விஷயம் பேச வேண்டும் என்றபடி அவன் மெசஞ்சரில் காத்திருந்தான்!

அத்தனை வீரசபதங்களும் பறந்து போக சொல்லுங்க என்று பதில் அனுப்பினாள் மீரா.

சாப்டாச்சா?

ஆமாம். நீங்க?

ஹ்ம்ம்…

என்ன பேசணும்?

இல்ல… என் பிரண்ட் ஒருத்தனுக்கு சின்ன பிரச்சனை! நான் அவனை சப்போர்ட் பண்றதா வேணாமான்னு குழம்பிப்போய் இருக்கேன். வீட்ல டிஸ்கஸ் பண்ண முடியாது. அம்மா அப்பா டென்ஷன் ஆயிடுவாங்க. நீ புரிஞ்சுப்பேன்னு நினைக்கிறேன்.

அவளோடு தன் குழப்பத்தை பகிர நினைக்கிறான் என்னும் போதே அவள் முழுதும் உருகி விட்டாள்.

ஹ்ம்ம்..சொல்லுங்க. அவருக்கு என்ன பிரச்சனை?

அவனை அவன் வீட்ல யாருமே புரிஞ்சுக்கல அவன் மனசு உடைஞ்சு போய் இருக்கான்.

முதல்ல அவருக்கு என்ன பிரச்சனைன்னு சொல்லுங்க சார்.

நீ சார்னு சொல்லாதே. பேர் சொல்ல முடிலைன்னாலும் பரவால்ல..சார் வேணாம்!

ஹ்ம்ம்…

அவனோட அப்பா ரொம்ப பெரிய பணக்காரர். அவர்கிட்ட ஒரு பெரிய பிசினஸ், ரெண்டு ஒம்பது மாடி அப்பார்ட்மென்ட்ஸ், அப்புறம் ஒரு பெரிய வீடு, யாழ்ப்பாணத்துல ரெண்டு வீடு அப்புறம் கொழும்புல ஒரு சின்ன ரெஸ்டாரண்டும் இருக்கு.

ஹ்ம்ம்..

அந்த ரெஸ்ட்டோரன்ட் வாங்கும் போதே என் பிரண்டுக்கு இஷ்டம் இல்லை. இந்த லெவலுக்கு இறங்கி போணுமா? யார் இதை நடத்துவாங்க? நல்ல பேருள்ள ரெஸ்டாரன்ட் என்றாலும் பரவாயில்லைன்னு சொல்லிப்பார்த்தான். ஆனா அவருக்கு அது ஒரு ஹாபின்னு அவங்கப்பா சொல்லவும் சும்மா இருந்துட்டான்.

ஹ்ம்ம்.. அவளுக்கு கோபம் வந்தாலும் பொறுமை காத்தாள் மீரா.

இப்போ இவங்க எல்லாரும் வளர்ந்து படிச்சு முடிச்சதும் இவனோட அண்ணன் அப்பா கூட பிசினஸ் பார்த்துக்க போய்ட்டான். இவனுக்கு ஏற்கனவே அங்கே ரெண்டு பேரும் இருக்காங்களே ஒரு முப்பத்தைஞ்சு வயசுக்கு பின்னாடி நானும் போய் சேர்ந்துக்கலாம்னு சொல்லிட்டு அவன் ஒரு சாப்ட் வேர் கம்பனில இருந்தான்.

ஹ்ம்ம்..

இந்த வருஷம் அவங்க அப்பா அவர் ரிட்டையர் ஆகணும்னு சொல்லிட்டு சொத்து எல்லாத்தையும் பிரிச்சு எழுதிட்டார்.

ஓ..சொத்துப்பிரச்சனையா?

உஷ்!!!!!!!!!! முழுசா கேளு முதல்ல

ஓகே சொல்லுங்க

அண்ணனுக்கு பிசினசை முழுசா கொடுத்துட்டார். அவ்ளோ பெரிய பிசினஸ்ல இவனுக்கு சின்னப்பங்கு கூட இல்லை! இவனுக்கு ஒரு அப்பார்ட்மென்ட்டையும் அந்த ரெஸ்டாரண்டையும் எழுதி வச்சிட்டார்!

என்ன ஓ.. அவனுக்கு தாங்க முடியல செம்ம கோபம்!

எதுக்கு?

எதுக்கா? உனக்கு என்ன பிடிக்கும்னு ஒரு வார்த்தை அவனை கேட்காம நீ இந்த ஓடாத ஹோட்டலைத்தான் பார்த்துக்கணும்னு தன் விருப்பத்தை அவன் மேல திணிக்கிறது சரியா?

அவர் படிச்சு முடிச்சு ஏன் தங்களோட கம்பனிக்கு போகல?

லைப்ல பின்னாடி அதை தானே பண்ணப்போறேன். கொஞ்ச நாள் என்ஜாய் பண்ணப்போறேன்னு சொன்னான்.

அவங்கப்பாக்கு இது தெரியுமா?

இல்லை. ஆனால் கேட்கணுமா இல்லையா? அவன் அவர்கிட்ட கோபமா இதை கேட்க அவர் என் சொத்து என் இஷ்டம், உனக்கு இஷ்டமிருந்தா வாங்கிக்க இல்லன்னா நீயே சம்பாதிச்சுக்கன்னு எடுத்தெறிஞ்சு பேசவும் அவன் வீட்டை விட்டு வெளியே போய்ட்டான்!

God!

இப்ப சொல்லு. என் பிரன்ட் பண்ணது தப்பா?

பின்னே? உங்க பிரன்ட் ஆபீசுக்கு போனது இல்ல. வேற கம்பனில பிசினசுக்கு சம்பந்தம் இல்லாத வேலை பார்க்கறார்! பிறகு எதுக்கு அவருக்கு பிசினசை கொடுக்கணும்? அதான் ஒம்போது மாடி அப்பார்ட்மென்ட் இருக்குல்ல? போதாதா? ஒண்ணுல நாலு வீடு இருந்தாலும் முப்பத்தாறு வீடு!! ஹப்பா!!! சரியான பேராசைக்காரன் உங்க பிரண்டு!

அவனுக்கு அது கோபம் இல்ல! அது வருத்தம் தான் இருந்தாலும் அண்ணனுக்கு தானே கொடுத்தாங்கன்னு அவன் சொல்றான். ஆனா அந்த ரெஸ்டாரண்டை கொடுத்தது அவனுக்கு ரொம்ப கோவம். அவனுக்கு பிடிக்காதுன்னு தெரிஞ்சும் அப்பா வேணும்னே அவனை அவமானப்படுத்தினதா அவன் நினைக்கிறான்.

எந்த ரெஸ்டாரன்ட்?

பம்பலப்பிட்டில இருக்கே? ஸ்டார் ரெஸ்டாரன்ட்?

அங்கே யாரும் போறது இல்லை தான் இருந்தாலும் ரெஸ்டாரன்ட் என்றால் கேவலமா? அப்போ எங்களோட பிசினசும் கிட்டத்தட்ட அப்படித்தானே! எங்களையும் அப்படித்தான் நீங்கள் எல்லாம் சொல்வீங்களா? அவள் சூடாகி விட்டாள்.

அப்படியில்ல….

பின்னே? நீங்க இப்ப என்ன சொல்ல வர்றீங்க? நான் ஒண்ணு சொல்லவா? உங்களோட அந்த பிரண்டு சரியில்லை. அவன் கூட சப்போர்ட்டுக்கு போகாதீங்க!

கொஞ்ச நேரம் பதில் இல்லை…

பிறகு ஏன் என்ற கேள்வி வந்தது

எனக்கு சொத்து பணம்னு சண்டை போடறவங்களை கண்டாலே பிடிக்காது. நான் இருக்கும் இடம் அப்படி. உங்களுக்கு தெரியுமா? வசீயை பெரியம்மாவோட கானடா அக்கா கூட்டிட்டு போகவே வந்தாங்க. அந்த வயசுல அவன் எனக்காக போக மாட்டேன்னு சொல்லிட்டான். எங்க கிட்டஅப்போ இருந்தது வெறும் நாப்பது லட்சம் தான். ரெண்டு அப்பா அம்மாவோடையும் பணம்! எங்க ரெண்டு பேர் படிப்பு , மற்ற செலவுகளுக்கே கிட்டத்தட்ட இருபது செலவாயிடிச்சு. மீதி இருபதுல அவன் ஒரு சதம் கூட எடுத்துக்கல! என் கல்யாணத்துக்காகன்னு வச்சிருக்கான். ஜீரோல இருந்து தான் பிசினஸ் ஆரம்பிச்சது! இத்தனைக்கும் அவன் என் சொந்த அண்ணன் கிடையாது!

உங்க பிரண்ட்டுல்லாம் என்ன மனுஷன் சார்? சரி இவருக்கு பிசினஸ் பண்ண ஆசை இருந்தது. அவரை ஒருவார்த்தை கேட்காம அவங்கப்பா அவங்கன்ணனுக்கு முழுசா கொடுத்திட்டார். வருத்தம் இருக்கும் தான். ஆனா ஆனால் அவரையும் அவங்கப்பா சும்மா விடலையே! பொறுமையா அப்பாகிட்ட பேசி பிரச்சனயை தீர்த்திருக்கலாம். அந்த அண்ணனுக்கு எப்படி இருக்கும் யோசிச்சுப்பாருங்க? இப்படி சொத்துக்காக பெத்தவங்க கூடயே பிரச்சனை பண்றவர் உங்க கிட்டயும் நேர்மையா இருக்க மாட்டார். நீங்க அவரை நம்பாதீங்க! அவர் கூட சேராதிங்க!

மறுமுனையில் வெகுநேரம் மௌனம் நிலவியது

அப்படியா சொல்ற?

இன்னொண்ணு சொல்றேன் தப்பா எடுத்துக்காதீங்க!

பரவால்ல சொல்லு

உங்க பிரண்டுக்கு அவர் சொல்ற போல பிசினஸ்ல பாஷன்லாம் ஒண்ணும் கிடையாது. அவரோட பிரச்சனை அவருக்கு பிடிக்காத ரெஸ்டாரண்டை கொடுத்து தன்னை அவமானப்படுத்திட்டார் அவங்க அப்பா என்றதுதான்!

எப்படி சொல்ற?

வசீ பிசினஸ் ஆரம்பிக்கும் போது நான் படிச்சிட்டு இருந்தேன். அவங்க பண்றதை பார்க்க ஆசையா இருக்கும். நானும் போய் பொய் சேர்ந்துக்குவேன். அவன் திட்டுவான். டிகிரி கைல வாங்கிட்டு நீ உள்ளே வா. இப்போ வேணாம்னு! என்னால அப்படி காத்துட்டிருக்க முடியல! கடைசில WKC ல சேர்ந்து வேலைபார்த்துட்டே தான் படிச்சேன். உங்க பிரண்டுக்கு பிசினஸ்ல பாஷன் இருந்திருந்தா அவரால முப்பத்தைஞ்சு வயசு ஆகினதுக்கப்புறம் வரலாம்னு இருந்திருக்க முடியாது. அது அவங்கப்பாக்கும் நல்லாவே புரிஞ்சிருக்கும்! நான் அவரை தப்பு சொல்லமாட்டேன்/

ஹ்ம்ம்..

படிக்கலையா? ! என் பையனுக்கு உரியதை அவனே சம்பாதிப்பான்னு சொல்லிட்டு! ஜாக்கிசான் தன்னோட முழு சொத்தையும் சாரிட்டிக்கு எழுதி வச்சிருக்கார்! ஒரு மனுஷன்னா உழைச்சு வாழணும். மத்தவங்க சொத்தை எப்போ தருவாங்கன்னு காத்துட்டிருக்கிறது கேவலம்! முடிஞ்சா நீங்க அவருக்கு அட்வைஸ் பண்ணுங்க. இல்லைன்னா அவரை மெல்ல கழட்டி விட்டுருங்க! ஆவேசமாய் டைப் செய்து அனுப்பினாள் மீரா.

தொடரும்…

 

Advertisements

4 thoughts on “கொண்டாட்டம்.காம் 12

  1. oru sinna ponnu vanthu yosanai solra nilaiyilaa nama hero irukkaan??? ellathilum avasaram!!ippo ange oru ponu readiya irukku….athukku pathil solanumila!!! ithukkulla intha love………ore kuzappavaathi! k b padam mathiri iravu muzusum chating!!!!

    Liked by 1 person

  2. Awwww… avanai thittaathenga aunty!!! ellaarum perfect aa irukka maattaanga thane! Avan paavam normal manushan from a rich family 😀

    Antha ponnu haa ha ha aa saturday solren 😀

    Ha ha ippallaam..paathi chatla thane nadakkuthu 😉

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s