கொண்டாட்டம்.காம்- 13

ashok-selvan-bindu-madhavi

பீப் பீப் (இது அந்த பீப் இல்லை காலிங் பெல் பீப்!)

சுற்றிலும் சின்னதாய் பசிய புற்களுடன் நிலப்பரப்பைக்கொண்டு பெருமளவுக்கு வீடொன்று அடைத்து நின்ற பன்னிரண்டாம் இலக்க வீட்டின் முன் காலிங் பெல்லை அழுத்தி விட்டுக்காத்திருந்தான் மனோத்யன். அருகிலேயே அவன் நண்பன் பிரகலாதனும்!

மனோ இன்னும் எவ்வளவு வீடுடா இருக்கு?

பாக்கட்டில் இருந்த லிஸ்டை பிரித்துப்பார்த்துவிட்டு “இன்னும் பன்னிரண்டு வீடு இருக்கு!” என்று அவன் சொல்லவே வாயைப்பிளந்தபடி மயக்கம் வருவதைப்போல நடித்து பிறகு “மச்சி சாப்பிட்டு போலாம்டா” என்றான்  பிரகலாதன்!

அடேய் பதினொன்றரை தான் ஆகுது இன்னும் ரெண்டு வீட்டுக்கு சொல்லிட்டு போலாம்டா!

அதைச்சொல்லலை. எல்லா வீட்லயும் நம்மை உள்ளே கூப்பிட்டு எதையோ சாப்பிட்டு போகச்சொல்றாங்க இல்லை? இந்த வீட்லயாவது மனசு வைடா!

“மானத்தை வாங்காதே எருமை” வீட்டுக்கதவு திறக்கப்படுவதை கவனித்தபடி மற்றவனை முறைத்தான் மனோத்யன்!

விழாவுக்கு அழைக்க வேண்டிய லிஸ்டில் கொஞ்சத்தை என்புறம் தள்ளு. நான் போய் அழைக்கிறேன் என்று மனோ கேட்க சாமர்த்தியமாய் ஆதி சொந்தங்களின் லிஸ்டை அவன் புறம் தள்ளி விட்டிருந்தான்! ஆஹா ஆயிரம் கேள்வி கேட்பாங்களேடா என்று டென்ஷன் ஆனாலும் அவன் பின்வாங்கவில்லை! முற்பாதுகாப்பு நடவடிக்கையுடன் களத்தில் இறங்கிவிட்டான். அதுதான் பிரகலாதன்!

இவனை அழைத்து வந்ததே ஒவ்வொரு வீடுகளிலும் அவனை அமர வைத்து சாப்பிட வைத்து சிலபல விசாரிப்புக்களை செய்யவிழையும் உறவுகளை நண்பனோடு வந்தேன் சிக்கிரம் போகவேண்டும் என்று தவிர்க்க வேண்டித்தானே!

“ஹல்லோ மனோ!!! வா வா!” வந்த நடுத்தர வயது மனிதர் அவனை எதிர்பார்க்கவில்லை என்பது உயர்ந்து ஒலித்த அவரது குரலிலேயே தெரிந்தது.

“உள்ளே வாங்க தம்பி” இது பிரகலாதனுக்கானது!

“லீலா! “யார் வந்திருக்கார் பாரு?” என்று அந்த மனிதர் உள் நோக்கி குரல் கொடுக்க ஒட்டவைத்த புன்னகையுடன் சோபாவில் தொற்றிக்கொண்டிருந்தான் மனோத்யன். அருகிலேயே பிரகலாதனும்.

“மனோவா???? அதிசயமாயிருக்கே!! எங்க வீடெல்லாம் ஞாபகம் இருக்கா என்ன?” உள்ளிருந்து வெளிவந்த ஆண்ட்டி ஆதங்கமாய் கேட்டார்.

“கொஞ்சம் பிசி ஆண்ட்டி. அதனால எங்கேயுமே கிளம்ப முடியறது இல்லை. இப்போ கூட லீவ் போட்டுட்டு தான் வந்திருக்கேன். ஆதிக்கு சனிக்கிழமை நாலரைக்கு எங்கேஜ்மென்ட். நீங்க எல்லாரும் குடும்பத்தோட வரணும். மியாமி ஹால்ல சிம்பிளா நடத்தறோம். அப்புறம் அப்பா போன் பண்ணுவார் உங்களுக்கு!”

அவன் சொல்லி முடிக்க கணவன் மனைவி ஒருவரையொருவர் பார்த்துக்கொண்டனர். ஆதியின் விழாவுக்காய் அழைப்பதற்காய் மனோ வருவான் என்று அவர்கள் எதிர்பார்த்திருக்க மாட்டார்கள். சண்டை விவகாரம் தான் கண் காது மூக்கு வைத்து உறவினர்களிடையே பரவியிருந்ததே! அந்த  விவகாரத்தை அப்படியே அடங்கிப்போக வைக்கத்தான் மனோவை உறவினர்கள் வீட்டுப்பக்கம் ஆதி அனுப்பி இருக்கவேண்டும்!!!

சந்தோஷம்பா.. நாங்களும் கேள்விப்பட்டோம்! பொண்ணு பேர் என்ன? ஆபீஸ்ல வர்க் பண்ணும்போது லவ்வாமே! பொண்ணு எந்தப்பக்கம்? லீலா அம்மையார் வெகு கவனமாய் விசாரித்தார்.

பல்லைக்கடித்தாலும் “ஆமாம். அண்ணி பேர் ஷக்தி. அவங்க பிறந்து வளர்ந்தது இங்கே தான்” என்று சுருக்கமாய் முடித்தவன் “அப்போ நாங்க கிளம்பறோம். நீங்க எல்லாரும் கண்டிப்பா வரணும்” என்றபடி எழுந்து கொண்டான்.

“மனோ! இருப்பா! இப்படி சட்டுன்னு புறப்பட்டா எப்படி? ட்ரின்க் எதுனாலும் குடிச்சிட்டு போங்க.”

“இல்லை ஆண்ட்டி இன்னொரு நாள் வரேனே! பன்னிரண்டரைக்கு நாங்க ரெண்டு பேரும் ஒரு செமினார்ல இருக்கணும்!”

அதற்கு மேல் வற்புறுத்த முடியாமல் அவர்கள் விடைதர மொபைல் மெசஞ்சரை திறந்து செக் செய்தபடியே காரை நோக்கி வந்தவன்  “ஆமாம் இன்றைக்கு கொஞ்சம் பிசி. சனிக்கிழமை பாங்க்ஷனுக்கு எல்லாமே அசெம்பிள் பண்ண வேண்டியிருக்கு” என்று மீராவின் மெசேஜை கண்டதும் மீண்டும் டென்ஷன் முகத்தில் ஒட்டிக்கொள்ள இறுகிப்போய் “ஓகே. ஓகே. நைட் பேசறேன்.” என்று மெசேஜி விட்டு காரில் அமர்ந்தான்.

சனிக்கிழமை நெருங்க நெருங்க பயம் அவனை இறுக்கிக்கொண்டே வந்தது! அதன்பின்னே அவள் அவனிடம் பேசுவாளா?

இருந்திருந்து இவளிடம் போயா நித்து காண்ட்ராக்டை கொடுக்க வேண்டும்! அன்றைக்கு நித்துவை பற்றி மீரா சொன்ன போது அதிர்ந்து போனவன் நித்துவுக்கு போன் போட்டான்.

அவளோ காஷுவலாக “ அவளை எனக்கு ரொம்பவும் பிடித்திருந்தது. நீ என் அண்ணன் என்றால் என்னோடு பேசத்தயங்குவாளோ என்றுதான் பேஸ்புக்கை டீஅக்டிவேட் செய்து என் குடும்பம் பற்றிய அடையாளங்களையே எடுத்துவிட்டேன்! அவர்கள் தொழிலில் சூப்பர், ஆகவே புக் செய்தேன். உனக்கென்ன வந்தது?” என்று அவனையே கேள்வி கேட்டாள்!

மனோவின் தலை சுற்றியது. மனோ நித்யாவின் புகைப்படங்களை அவனுடைய முகப்புத்தகத்தில் பகிரவே மாட்டான். ஆகவே அவளுக்கு இதுவரை புரிந்திருக்காது. ஆனால் விழா நெருங்க நெருங்க தெரிந்து விடுமே! அதுவும் இப்படி சண்டை போட்டு விலகிய அண்ணன் என்று தெரிந்தால் அவள் தன்னை வெறுத்துவிடுவாளோ என்று அவள் மேல் நேசம் கொண்ட மனம் அஞ்சியது!

ஆகவே தன்னை புரியவைக்கவேண்டும். தன் பக்க நியாயங்களை சொன்னால் அவள் தன்னை புரிந்து கொள்வாள் என்று அவன் முற்றாக நம்பினான். நண்பன் என்று ஆரம்பித்து அவள் புரிந்து கொண்டு ஆறுதலாய் பேசியதும் அது நான் தான் என்று சொல்லிவிடுவதே அவன் எண்ணம். ஆனால் நடந்ததோ தலைகீழ்!

அவள் அவன் சொன்னதை காதிலேயே வாங்கவில்லை! ஒரு பட்டிமன்றப்பேச்சாளி போல நியாங்களை கொட்டித்தள்ளி விட்டாள்! என்ன ஒன்று, திருக்குறளோ இலக்கியங்களோ உதாரணத்துக்கு வரவில்லை அவ்வளவுதான்!

அவளுடையா அண்ணன் காரன் அந்த வசீ என்ன பெரிய மகாத்மாவா,  மூச்சுக்கு மூச்சு உதாரணம் காண்பிக்க!! அது மட்டுமா? இன்னும் அவன் நினைக்கக்கூட விரும்பாத எத்தனையோ!!!

அவள் பேச்சை மறுக்கக்கூட முடியாமல் தன்னையே குற்றவாளியாக்கி அவனுக்குள் உருவான மறுகல் வேறு!

நேற்றிலிருந்து கொதித்துப்போய் இருந்தவனை பிரகலாதனின் சேஷ்டைகள் கூட கவனம் கலைப்பதாயில்லை!

அன்று மதியம் பிரகலாதனோடு பலநாள் போகவேண்டும் என்று நினைத்து விட்டுப்போன மன்ஹட்டன் பிஷ் மார்க்கட்டில் மதிய உணவை உண்டது, அன்று முழுதும் அந்த லிஸ்ட் முழுக்க இன்வைட் பண்ணி முடித்தது அருகில் இருந்த KFC ஒன்றில் ஐஸ்க்ரீம் சண்டே வாங்கித்தந்தது என்று தன் வேலையோடு பிரகலாதனையும் அவன் மறக்காதிருந்தாலும் வழக்கமான உற்சாகமான மனோவை பிரகலாதனுக்கு அவனால் கொடுக்க முடியவில்லை!

தட்ஸ் இட் மச்சான்!!!. ஏண்டா! உர்ர்னு இருக்கே? உன்கூட என்ஜாய் பண்ணலாம்னு தானேடா லீவ் போட்டேன். நீ என்னடான்னா இன்னைக்கு பூராவும் முட்டை போடப்போற டைனோசர் போலவே ரெட்லெஸ்ஸா இருக்க!! இதெல்லாம் நல்லா இல்ல சொல்லிட்டேன்!

அப்படியெல்லாம் ஒண்ணுமே இல்ல.

உக்கும்!!!! நீயே சொல்லிட்டு இரு!

கார் மௌனமாய் நகர்ந்தது.

டேய் டேய் மனோ!!! அங்கே பாரேன்

அவன் கைகாட்டிய புறம் தியேட்டர் ஒன்றின் பானரில் ஜாக்கிசானின் புதிய திரைப்படம் ஒன்றுக்கான கட் அவுட் வைக்கப்பட்டிருந்தது. மனோவின் முகம் ஒரு ரத்தச்சிவப்புக்கு மாறியது!

நைட் ஆறுமணி ஷோவுக்கு போலாமாடா?

வேணாம்.

ஏண்டா ஏன்? நீ உன் ப்ளாட்ல படுத்து தூங்கப்போற! நான் என் வீட்ல!!! நாளைக்கும் நீ லீவ்! அப்புறம் ஏன் வர மாட்டேங்குற?

சொன்னா புரிஞ்சுக்கடா ..புடிக்கல.. வேற ஏதும் படம் போகலாம்

உக்கும் பத்து எண்றதுக்குள்ள தான் ஓடிட்டிருக்கு! அதுக்கு நான் குவார்ட்டர் அடிச்சிட்டு குப்புறப்படுத்துடுவேன்!

யாரு நீ? தனியா? போ….ட்…டா…

விட்றா மச்சான், ப்ளோல வந்துடிச்சு! ஜாக்கி படம் பார்க்க உனக்கு என்ன பிரச்சனை? இப்படி திங்க் பண்ணிப்பாரு!

ஒண்ணும் வேணாம்

டேய் கேளேண்டா..

சொல்லித்தொலை!

உன் ரீமேக் நாயகன்! அதுதான் ஹாசன்… கமல் ஹாசன் அடுத்த வருஷம் இதை ரீமேக் பண்ணாலும் பண்ணுவார்டா! சோ நீ பார்த்து தெரிஞ்சு வச்சுக்கறது நல்லதுங்க்றேன்!

பிரகலாதன் முகத்தில் சிரிப்பு இருந்தது. மனோவை எப்படி உசுப்பேற்றும் இந்த கமன்ட் என்பது அவனுக்கு தெரியாதா என்ன?

கார் கிரீச்சிட்டு நின்றதும் அவன் சிரிப்பு மறைந்தது!

ஆறரைக்கு தாண்டா ஷோ! இப்போ அஞ்சுமணி! இப்போவே போக முடியாது. அவன் எதையோ பேசி வைத்தான். மனோ எதற்கு கொலைவெறியாய் முறைக்கிறான் என்று அவனுக்கு புரியவே இல்லை!. அவன் கமலை கலாய்ப்பது புதிதா என்ன?

இறங்குடா.

ஏய் ஏய் மனோ!!!!

இறங்குடான்னா…

அடப்பாவி! டேய் என்னடா ஆச்சு உனக்கு? மல்டிபிள் பெர்சனாலிட்டி டிசோர்டர் எதுவுமா? அவன் முகத்தின் குழப்பம் பொய்யில்லை.

உதட்டோரம் கருக்கொண்ட சிரிப்பில் மனோ முகத்தின் இறுக்கம் தளர்ந்தது.

சரக்கடிக்கலாமா? என் ப்ளாட்டுகே போலாம்!

சூப்பர் மச்சி! எவ்ளோ நாளாச்சுடா! அவனுங்களையும் கூப்பிடலாம்!

வேணாம்! நீ நான் மட்டும் போதும்

“அப்படிங்கிற? ஒகே!” என்று தோளைக்குலுக்கி விட்டு அம்மாவை அழைத்து இன்றிரவு மனோவோடு தங்குவதாக அறிவித்தது விட்டு பிரகலாதன் உற்சாகமாய் நிமிர்ந்து அமர்ந்தான்!

அதன்பிறகு

வரைட்டியான சிப்ஸ், பிரைட் சிக்கனுடன் ஆளுக்கொரு பீர் டின்னுடன் மனோவின் பிளாட்டில் இருவரும் சோபாக்களில் விழுந்திருக்க பிரகலாதன் என்றோ ஒருநாள் தோற்றுப்போன தன் காதல் கதையை தூசு தட்டிக்கொண்டிருந்தான்!

நீ சொல்லு மச்சி!! லவ் ஏண்டா எனக்கு செட் ஆவல? நானும் லெக்சர் பண்றேன். சம்பாதிக்கிறேன். கொஞ்சம் நல்லவனா கூட இருக்கேன். அப்புறம் ஏண்டா என்னை விட்டுட்டுப்போனா? சொல்லேண்டா…..

லூசு..அவ உன்னை விட்டுப்போகும் போது நீ ஸ்கூல் படிச்சுட்டிருந்தடா! ஹ ஹா

பாயிண்ட்றா!

கொஞ்ச நேரம் மௌனமாகவே இருந்தனர்.

பிறகு இம்முறை மனோவே ஆரம்பித்தான்.

என் கூட பேசவேணாம்னு சொல்லிட்டாடா!!!

என்னது? உன்கூட யார் பேசக்கூடாது? யார் அப்படிச்சொன்னா?

நானே என் கூட பேசக்கூடாதாம்டா!!!

ஹி ஹி உனக்கு ஓவராயிடுச்சு மனோ!!! இன்னும் ஒரு டின் கூட காலியாகலையே! அதுக்குள்ளயா?

எருமை கேளேண்டா. என்று லேசான குழறலுடன் ஆரம்பித்தவன் தன் காதல் கதையை ஆதியும் அந்தமுமாய் எடுத்துச்சொல்ல ஆரம்பித்தான்!

ஜாக்கி சான்லாம் அவன் பையனுக்கு சொத்தெழுதி வைக்கலையாம்! கோட் வேற பண்றாடா? கடுப்பாகாதா?

த்சோ த்சோ! போட்டோ காமி

அவன் மொபைல் காலரியில் செமினாரின் போது எடுத்த போட்டோவை காண்பித்தான்.

அன்னிக்கு நாம பார்த்த பொண்ணா? அன்னிக்கே நிஜாம் சொன்னாண்டா! நான் தான் நம்பல!

அதை விடு! இப்போ என்ன பண்றது நான்?

பிரச்சனை தான்..ஆனா நீ அவ கால்லயே விழுந்துரு மச்சான். அவளுக்கா தெரியவர முன்னே நீ சொல்லிடறது பெட்டர்!

அது முடியாதுடா. நான் அவளை லவ் பண்றேன். ஆனா அவளுக்கு இன்னும் அது கன்பார்ம் ஆகல. அப்படியிருக்கும்போது சொன்னா போடான்னு போயிருவா! இன்னும் கொஞ்சம் வர்க் பண்ணனும். அப்புறம் தான் சொல்லணும்!

எப்படிடா இப்படி?????? கலக்குறடா.. என்று குழறலாய் சிரித்தவன் பிறகு ஏதோ நினைவு வந்தவனாய் மனோவின் கையை பிடித்து உலுக்கினான்.

அடேய்!!! அப்போ அந்தப்பொண்ணு? அவளை என்னடா பண்ணின?

கீர்த்தியா? அதுவேற ஒரு சிக்கல்

மச்சான்..முடில..

டேய்!!! நான் அவ்ளோ கேவலமானவனாடா? அந்த ரிசப்ஷன்ல என் மனசு புரிஞ்சதுமே அவங்கப்பாவை தேடித்தான் போனேன். அவன் பாரின் போய்ட்டான்! நேத்துக்கூட போய் பார்த்தேன். அவன் இன்னும் திரும்பி வரல! வந்ததும் வெட்டு ஒண்ணு துண்டு ரெண்டா சொல்லிருவேன்! நான் நல்லா யோசிச்சேன். இது சரி வராதுன்னு!

ஹ்ம்ம்.,,,

சிக்கன் ஆறிப்போச்சு! மைக்ரோ வேவ்ல வைப்போமா?

 

மனோவின் சிக்கல்கள் தொடரும்.

 

Advertisements

6 thoughts on “கொண்டாட்டம்.காம்- 13

  1. peeeeeeeeeepnnu oru kusumboda thodangitte……….
    mano love arambikum munne piraanai,eppadi iruntha payyanai ippadi pulamba vaicitiye meeru………
    praga unakku veraitiya story kidaithathaaaaaa.

    Liked by 1 person

  2. jackiya enna venna sollikko, kamal pathi ethachum sonne…kaduppayiruven!!! avaru ippo oru speech kudukka poraaru, theriyumilla…ivan oru kuzappavaathi…ivanukku oru love ozunga panna theriyala…uthavaakkarai friendu vera….avan oru aalu, kamal pathi commenntu vera..!!!school love vera!!!!! ithila kosuvarthi vera suthuraan!!!ippadioru frienda vachukittu …..!!!!!

    Liked by 1 person

    1. HaHaHaHaHa!!! coooool down!!! Mano avanuku thiruppi koduthuruvaan vidunga aunty!!! he he he Mano pavam konjam karunai kaatungooo.. Ellaarum perfect aa iruntha epdi ulagam nallaarukirathu? 😀

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s